Алғысым шексіз!
Бүгін мектебімізде ата-аналарға деген ризашылық пен құрметке толы “Алғысым шексіз!” атты мерекелік концерт өтті!
Бұл шараның басты мақсаты – ата-аналардың өлшеусіз еңбегін бағалап, оларға жүрекжарды алғысымызды білдіру, балалардың сүйіспеншілігі мен құрметін көрсету.
Оқушыларымыз ата-аналарына ән арнап, жылы лебіздерімен гүл ұсынып, ерекше әсерлі сәттер сыйлады.
Мектеп басшысы С.С. Жетенов пен тәрбие ісінің орынбасары С.М. Есенжолова сөз сөйлеп, ата-аналарға шынайы ризашылығын жеткізіп, мерекемен құттықтады.
Осындай жүрекке жылы шаралар отбасылық құндылықтарды дәріптеп, алғыс айтудың маңыздылығын арттыра түседі.