Астана күніне және Ұлттық Домбыра күніне орай орталық саябақта ұйымдастырылған мерекелік шараға мектебіміздің оқушылары мен ұстаздары атсалысты. Шара барысында аудан әкімі Аманбаев Саламат Ермұханұлы Астана күнімен құттықтап, жылы лебізін білдірді. Мерекеге орай қоғамдық - мәдени шараларға белсене қатысып, рухани байлығымыздың еселене түсуі мақсатында, жасап жатқан еңбектері үшін мектебіміздің ұстаздары Темір аудандық мәдениет, дене шынықтыру және спорт бөлімінің басшысы Ә.Қалмағанбетовтың алғыс хатымен марапатталды. Астана күні және Ұлттық Домбыра күніне орай мектебіміздің домбырашылары аудан тұрғындарына күйден шашу шашып, өз өнерлерін көрсетті.
