Шұбарқұдық балалар музыка мектебінде, "Ұстаз еңбегіне алғыс" атты Темір аудандық Кәсіподақ мүшелерінің құрметіне арналған салтанатты шара өтті.
Шараға Темір аудандық білім бөлімінің басшысы Б.А.Имангалиев және кәсіподақ ұйымының төрайымы Ж.Н.Сабенова қатысып, бір жыл бойы білім саласының дамуына үлес қосып, қолдау көрсеткен кәсіподақ мүшелерін алғыс хат және Сарыағаш шипажайы мен Бурабай туристік орнына жолдамамен марапаттады.
Салтанатты шарада Шұбарқұдық балалар музыка мектебінің домбыра класының жетекшісі Тәжібай Ердаулет Нұрмұқанұлы марапатталып, Сарыағаш шипажайына жолдама алды.
Жыл қорытындысы бойынша қоғамдық жұмыстарға белсене қатысып, білім саласын нығайтуға атсалысқан ұстазымызды бүгінгі марапатымен құттықтаймыз!
