Шұбарқұдық балалар музыка мектебінде "Ерекше білім беруге қажеттілігі бар балаларға музыкалық аспаптарды үйретудің әдістері мен оқушының орындаушылық шеберлігін қалыптастыру негіздері" атты өткізілген облыстық семинарда, фортепиано класының жетекшісі Жанар Ихласова сөйлеу қабілеті нашар, ерекше білімді қажет ететін оқушылардың жұмыс тәжірибесін, шығармашылық жұмыстарын, жеткен жетістіктерін қатысушыларға таныстырды.
Практикалық бөлімде Шұбарқұдық балалар музыка мектебінің фортепиано класының оқушысы Алпысбаев Алпамыс пен Мамбеталина Аяжан қатысушыларға Л.В. Бетховеннің, Ф. Шопеннің шығармаларын орындады.
Семинар соңында қатысушылар шараның жоғары деңгейде өткендігін айтып, кері байланыс жасады.