Бүгін мектебімізде ата-ана мен ұстаздардың өзара серіктестігін арттыру, жас ұрпақты адалдық пен жауапкершілік рухында тәрбиелеу мақсатында жалпы ата – аналар жиналысы өткізілді.
Күн тәртібі:
Оқу ісінің орынбасары Ж.О.Ихласова мектеп жетістіктері мен жеткен нәтижелер жөнінде баяндама жасады;
Тәрбие ісі жөніндегі орынбасары С.М.Есенжолова «Адал азамат» біртұтас тәрбие бағдарламасының мазмұнын кеңінен түсіндірді;
Ата-аналар үштігі сайланып, бірлескен жұмыс бағыттары айқындалды;
«Ата-ана, бала, мектеп» атты тренинг өткізіліп, тәрбиедегі өзара ықпалдастықтың маңызы талқыланды;
Іс-шара соңында Ансамбль «Ерке сылқым» күйін орындап, ата-аналар ұрмалы аспаптармен сүйемелдеп, ұстаздар күй тартты.
Бұл жиын - мектеп, ата-ана және оқушы арасындағы ынтымақтастықты нығайтып, елжанды, адал азамат тәрбиелеу жолындағы ортақ жауапкершіліктің айқын көрінісі болды.